مش عارف ليه قولتها ... دلوقتي ليه انا قولتها
يمكن عشان حستها اوي ... عاوزه تكون في الحياة
كلمة عاوزه تتولد من قلبي .. كلمة صعبه عليه بس قولتها
خايف .. ايوه خايف لاني عارف ان الكلمة دي ليها وزنها في القلوب
بس عارف .. انها من قلبي خارجه بكل احساس متلونه بكل الوان الظروف
قولتها لاني كنت عاوز اقولها .. وكنت عارف انها مستنيها مني من ساعتها
فرحه بس من جوها خوف .. وبابتسامة مستخبي وراه قوس مقلوب ":("
كنت عاوز قبل ما اروح واقولها كلمتي ... اخد منها وعود تخليها تقدري تحافظ على كلمتي
كلمتي ليها مش كلمة تنكتب في القلوب ولا على الورق تترسم ولا العقول تتوزن
كلمتي معناها الحياة في قلبي .. معناها الامل معناها مستقبلي
خايف وخوفي مش منك ... خوفي مني لاني خايف انكسر
خايف ادوق طعم الحب والفرح ... وبعد منه اتحرم وارجع لاحساسي اللي ما يتوصف
نفسي وكان نفسي توعديني انك تحافظي على قلب وروح نفسهم يوهبوا نفسهم ليكي
نفسي تكوني ليه وتعرفي تعوضيني عن كل اللي فات .. وتقدري تنسيني اللي كان في الماضي وانتهى
اوعي تكوني ليه بداية ماضي لسه بيبتدي
اوعي تكوني ناويه في يوم تبعدي
او حتى تكوني ناويه في يوم تتغيري
حافظي على قلب وروح نفسهم يعملوا اي حاجة ليكي
يعملوا اي شيء يرضيكي
كلمتي ليكي هي كلمة "بحبك"
من كل قلبي بحبك .. وحبيتك ونفسي دايما تخليني افضل احبك
كلماتي .. ايمن ربيع
