وفيها ايه يعني لما تحب وتتقهر
وفيها ايه كمان لم الحب ينأسر
علشان صراحتي زايده كدهو اتكسر
علشان الحب في قلبي ينفع اتغدر
الناس قالتلي مينفعش وسمعت قلبي انا منكرشي
وهي جات على دماغي بغني دلوقتي وقول انا اه ظلموه
ونصحتي ليك يالي مصدق ولي مكدب
اوعاك تحب اللي تحبه
صدقني حب اللي يحبك
واوعاك فيوم تربط حلمك باللي يحبك
وخلي حلمك داه يكون ليك
علشان حبيبك لو يوم راح يفضل معاك حلمك يداديك
واسمع كلامي انا حلمي راح
لما رسمتُه على ورقه من اوراق حبه
ولما راح راحت معاه اوراق حبه
احساس معاكس بعد ما كنت حاسس بالكون
وكأني طاير وكأن كل شئ يهون
في حد شد سحب مني الوان الكون
وسبلي بس لوني الاسود وورقة كرتون
وعشت فتره غريبه كئيبه
لحد متعلمت ازاي اكون بخيل في حبي بجد
في كل كلمة وكل احساس واعمل حساب
قبل مطلع اي كلمه لاي حد
وقبل محلم وارسم حروف
لازم اكون حريص قوي
علشان بجد تجربتي كانت قاسيه اقوي
مع انها كانت يومين عدو هوا
يمكن عشان تكون دي اول تجربه
يمكن كمان عشان ربطها بكل السنين المقبله
عارف انا اني ضحكت كتير عليا
والكل قالي دي قصة فانيه
عندت نفسي زي كل مره لما
تيجي تقابلني اي حاجة فيها خوف
يمكن اكون كسرت خوفي حققت حاجة بتشدني
بس كمان كسرت فيا حاجات كتير بتهدني
وبقيت كمان من صدمتي بخاف فيوم انا اظلم حد
بكتب كلامي عشان خلاص فوقت صحيت
عشان كمان قررت ابدء من جديد
وبكل صدق يمكن اكون خسرت حد
بس الاكيد اني كسبت حاجات كتير
حققت فيها احلام كتير مؤجله
تجربتي دي خلتني احلم حلم كبير ومش هسيبه
سواء معاكي او بعيد
فعلا بجد نفسي اقولك الف شكر
بكتب كلامي موش عشان مكسور
دانا بكتبه علشان خلاص بدءت اهد السور
اهد سور كبير رسمته بيني وبين نفسي
واخر كلامي معاك يكون
انسان جميل ما بظلمكش بس الظروف دي مابتنصفش
والحياه مبتوقفش خليك قوي
خليك قوى
خد من ظروف اللى يخليك تحب بكره
وصدقني بكره احلي كتير ليا وليك
وقول زي ما اقول انا ( وفيها ايه يعني ) ...
