مش كفاية ضرب فينا وذل لينا وبهدلة
مش كفاية اغتصاب أرض وهتك عرض ومهزلة
مش كفاية قتل طفل يتيم هدومه مهلهلة
مش كفاية نعيش ونشحت من سعاد ومدللة
مش كفاية نمشى خطوة بعد خطوة بذل وهرجلة
مش كفاية هدم بيوت ومدارس وتشريد آلاف
مش كفاية قتل فرحة قلب فى يوم زفاف
مش كفاية قلع أشجار الزيتون بإيدين نفوس ضعاف
مش كفاية قلع نخيل قبل ما يرمى الغلاف
مش كفاية قتل عجوز وعاجز على حد الكفاف
*******
طول ما إحنا فى القرار وف الحوار متفرقين
طول ما إحنا عالسيجار وعالدولار متلهفين
طول ما إحنا بالأمانة والضمير متحللين
يبقى مش لازم نفكر لا فى غزة ولا فى جنين
ولا يوم ناخد بتارنا فى دير ياسين
** ***
فلسطين الشعب لا قاتل ولا هو سارق
فلسطين الشعب لا هو غاضب ولا هو مارق
فلسطين رمز لشعب أصيل فى الظلم غارق
رافع فى إيده سيف وفى التانية بيارق
يسالم من يسالم واللى مش عاجبه يفارق
*******
فلسطين رمز لشعب محاصر ليل ونهار
لافف قضية بلاده على جسمه فى انتظار
وشعبه لاقى العذاب ما بين لهيب ونار
ويوم ما نال الشرف قالوا عليه انتحار
فداك يا فلسطين... يا بطل .... فداك يا فلسطين
مش كفاية اغتصاب أرض وهتك عرض ومهزلة
مش كفاية قتل طفل يتيم هدومه مهلهلة
مش كفاية نعيش ونشحت من سعاد ومدللة
مش كفاية نمشى خطوة بعد خطوة بذل وهرجلة
مش كفاية هدم بيوت ومدارس وتشريد آلاف
مش كفاية قتل فرحة قلب فى يوم زفاف
مش كفاية قلع أشجار الزيتون بإيدين نفوس ضعاف
مش كفاية قلع نخيل قبل ما يرمى الغلاف
مش كفاية قتل عجوز وعاجز على حد الكفاف
*******
طول ما إحنا فى القرار وف الحوار متفرقين
طول ما إحنا عالسيجار وعالدولار متلهفين
طول ما إحنا بالأمانة والضمير متحللين
يبقى مش لازم نفكر لا فى غزة ولا فى جنين
ولا يوم ناخد بتارنا فى دير ياسين
** ***
فلسطين الشعب لا قاتل ولا هو سارق
فلسطين الشعب لا هو غاضب ولا هو مارق
فلسطين رمز لشعب أصيل فى الظلم غارق
رافع فى إيده سيف وفى التانية بيارق
يسالم من يسالم واللى مش عاجبه يفارق
*******
فلسطين رمز لشعب محاصر ليل ونهار
لافف قضية بلاده على جسمه فى انتظار
وشعبه لاقى العذاب ما بين لهيب ونار
ويوم ما نال الشرف قالوا عليه انتحار
فداك يا فلسطين... يا بطل .... فداك يا فلسطين
