الأعادى قالوا عنه
وعن ذكائه مجلدات
والأعاجم شهدوا إنه
فوق جميع المفردات
واللى منهم كان ومنه
فرحوا جدا لما مات
واللى فينا بجد عرفه
قال خسارتك يا سادات
من كرم الله علينا
كان بإيدك الانتصار
والسلام اختارته لينا
كان ونعم الاختيار
واللى فضلوا يصدعونا
بالخيانة ليل نهار
فجأة رجعوا يبلغونا
السلام هو الخيار
الكلام دا مش كلامكم
ياترى إيه العبارة
الكلام دا عن لسانكم
ولاّ توجيه الإدارة
السلام أصبح خياركم
إيه ح نعمل بالحجارة
آدى دقنى لو قدرتم
م اليهود تاخدم خيارة
السادات يوم انتصاره
قولتوا فيلم وتمثيلية
واما راح الأقصى زاره
قولتوا خاين للقضية
والسلام هو اللى قاله
وانتوا عارفين البقية
انصفوا الراجل تعالوا
وابعتوا لروحه التحية
قول لولدك يابن بلدى
اللى ماشافش السادات
السادات جدك ياولدى
عبقرى بكل اللغات
اللى خلى الجيش يعدى
يوم عبور المعجزات
واللى كان أد التحدى
وبرصاص الغدر مات
يا سادات ارتاح فى نومتك
انت عند الله شهيد
مصر عارفة بجد قيمتك
مصر بتحبك أكيد
واللى عارض يوم مسيرتك
كان قريب أو بعيد
نفسه يرفع تانى صورتك
نفسه ترجع من جديد
وعن ذكائه مجلدات
والأعاجم شهدوا إنه
فوق جميع المفردات
واللى منهم كان ومنه
فرحوا جدا لما مات
واللى فينا بجد عرفه
قال خسارتك يا سادات
من كرم الله علينا
كان بإيدك الانتصار
والسلام اختارته لينا
كان ونعم الاختيار
واللى فضلوا يصدعونا
بالخيانة ليل نهار
فجأة رجعوا يبلغونا
السلام هو الخيار
الكلام دا مش كلامكم
ياترى إيه العبارة
الكلام دا عن لسانكم
ولاّ توجيه الإدارة
السلام أصبح خياركم
إيه ح نعمل بالحجارة
آدى دقنى لو قدرتم
م اليهود تاخدم خيارة
السادات يوم انتصاره
قولتوا فيلم وتمثيلية
واما راح الأقصى زاره
قولتوا خاين للقضية
والسلام هو اللى قاله
وانتوا عارفين البقية
انصفوا الراجل تعالوا
وابعتوا لروحه التحية
قول لولدك يابن بلدى
اللى ماشافش السادات
السادات جدك ياولدى
عبقرى بكل اللغات
اللى خلى الجيش يعدى
يوم عبور المعجزات
واللى كان أد التحدى
وبرصاص الغدر مات
يا سادات ارتاح فى نومتك
انت عند الله شهيد
مصر عارفة بجد قيمتك
مصر بتحبك أكيد
واللى عارض يوم مسيرتك
كان قريب أو بعيد
نفسه يرفع تانى صورتك
نفسه ترجع من جديد
