ويه الفرحه حزن وخوف
ويه الضحكه كلام مكتوف
ويه البسمة ورد مقطوف
زي ما يكون
مستني الليل لما يطل بالنور
ولما يجي النور تستني الليل سكون
خايف من بكره وقلقان
بس برده عاوزه يجي ومستنيه من زمان
زي ما يكون
لواحدك عايش وانت وسط ملايين
وساعات تكون لواحدك وكأنك وسط ناس كتير
بالرضا احساسك وبرده بالذنب بتميل
خايف تضحك علشان حزنك
وخايف تحزن ليبعد فرحك
نفسك تجري بس العجز مالي قلبك
نفسك ترقص بس الخوف جوه عينيك
زي ما يكون
نهاري ليل والليل نهار
تخاف تنام لتحلم وتخاف تقوم للحلم منك يروح
كل احساس جواك ليك وعليك
زي ما يكون
